三胞胎大戰史諾比 證宋一國好體力

做得人父母真係要做足準備，仲要捱得、打得兼玩得，好似韓國男星宋一國咁，佢平日開工之餘，仲要照顧三胞胎兒子，陪佢哋玩自然系每日必做嘅事情。

好似宋一國㖊日就喺Instagram上載兩段短片，其中一段就係三胞胎嘅萬歲自己玩，佢將唔同嘅公仔放上頭同面上，好似扮戴咗面具一樣，好鬼搞笑。

而另一段就係宋一國同三胞胎玩，宋一國仲揸住個史諾比（Snoopy）大毛公仔激戰三胞胎，當中充以大韓最貼身埋擊，當宋一國拿住個史諾比狂揪大韓之際，萬歲即拿住一支棍嘅物體喺側邊狂叫囂，好似好激動咁，唔知指摘緊佢老竇定係為大韓打氣，而民國原本只係暫喺一邊，但佢又忍唔住走近父親，最終被父親拿住史諾比一嘢撞埋佢，搞到民國即時瞓咗落地。

雖然睇片就見宋一國同三胞胎決戰時好似幾大力，不過見三胞胎玩得好得過癮，估計佢哋平時都訓練有時，而網民亦讚嘆宋一國經常陪伴兒子，又留言話：「養兒子比起錢更需要體力啊。」