《超人回來了》三胞胎超市買餸炮製蔘雞湯

韓國男星宋一國向來都好鍾意帶佢嘅寶貝三胞胎大韓、民國及萬歲接觸新嘅事物，而喺7日播出嘅《超人回來了》入面，宋一國就帶三胞胎去買餸整蔘雞湯。

相比一年前三胞胎仲好細個、宋一國出街買餸時要放佢哋喺BB車上面行時，今次宋一國就由得三胞胎喺超級市場入面走嚟走去，仲畀任務佢哋，要佢哋分工合作各自搵出大蒜、棗及栗子等製作蔘雞湯嘅材料。

過程之中，三胞胎就繼續好奇心爆棚，行過每個地方都拎起食物問爸爸呢樣系咩嗰樣系咩，見到魚又摸，見到菜又摸，而萬歲仲好搞笑咁拎起紅蘿蔔嚟玩，得意到爆。