完全唔似得一歲！《超人回來了》大發BB踢木板勁自信

韓國綜藝節目《超人回來了》嘅「國民BB」宋一國三胞胎：大韓、民國、萬歲雖然將會離開節目，不過國腳李同國嘅仔仔大發BB大概可以填補三胞胎嘅空缺，雖然大發BB只係一歲多啲啲，不過佢好鬼精靈，而且運動神經非常好！

將於聽日播出一集中，大發BB跟家姐雪雅、秀雅學跆拳道，於公開嘅預告中，可見大發BB穿上深藍色訓練服出場，好帥氣！而大發見家姐做咩，佢都跟住做，非常積極參與練習，仲想跟家姐一齊挑選行平衡木，不過李同國似乎就唔多放心，唔係好想畀佢行，而大發就全程跟喺兩個家姐後面，場面溫馨又好笑。