朴寶劍咀惠利 《請回答1988》收視創新高

韓國tvN人氣劇《請問答1988》仲有3集就大結局，噚晚播出第17集，瞬間收視達20%，認真威威。

《請回答1988》經歷咗一星期停播後，都冇影響佢嘅收視，第17集收視平均有16.5%，最高達20%，網絡收視更高達88.7%，成為開播以來最高收視嘅一集，可見劇集受到韓國人追捧。今晚播出嘅第18集，劇集將會穿越到1994年，到時《請回答1994》嘅鄭宇亦會友情客串演出。

而噚晚播出嘅一集，惠利飾演嘅德善同樸寶劍飾演嘅崔澤上演一場sweet爆初吻。當德善送阿澤回家時，阿澤話：「德善啊，我要瞓，你快走吧。」但係瞓咗陣後阿澤發現德善躺喺旁邊，阿澤拉住德善嘅手之後錫咗佢一啖。不過第二日阿澤問德善：「你噚日幾時走？」德善話：「你叫我走我就走了，發夢呀？」阿澤回答話：「幸好。」而預告中柳俊烈飾演嘅正煥亦將會向德善告白，令人期待到底德善將會情歸何處。