宋一國曬三胞胎沖涼片 萬歲露pat pat

韓國男星宋一國嘅三胞胎兒子雖然已經退出咗《超人回來了》，但佢哋依然大受粉絲歡迎，而宋一國亦都好識做，經常上載三胞胎兒子嘅生活照同埋片段上Instagram ，當中佢今日就一口氣上載咗多條三胞胎嘅片。

當中宋一國真係好鬼馬，竟然上載三胞胎沖涼片益粉絲，而三胞胎沖涼亦都好開心，當中萬歲仲露出小屁股，呢個阿爸認真大方，竟然出賣兒子呢，不過粉絲就大讚三胞胎好可愛。而其他相片同片就分別有三胞胎一齊讀故事書同食雪糕，可見三兄弟嘅感情好好。同時三胞胎又花身做《星戰》中嘅白兵，戴上白兵面具，拿住激光劍開戰，真係可愛爆燈。