《第二個二十歲》崔智友不再催淚 扮花非常嬌俏

由韓國女星崔智友主演嘅tvN新劇《第二個二十歲》將於大後日首播，今日一眾主演就出席於首爾永登浦舉行嘅製作發布會。有「催淚天后」之稱嘅友姐對於在劇中飾演重返校園嘅靚媽，表示：「一直都好想飾演一個性格明亮嘅角色，所以好鍾意及好期待挑戰新劇嘅角色。」

對於拍檔由樸寶英及趙正錫主演嘅人氣劇《Oh我的鬼神君》，友姐自信地表示:「我冇感到有負擔，會盡力做好自己。」而當其他主演於台上拎出神棍自拍時，心情靚靚嘅友姐就企中間、雙手托下巴扮花，非常嬌俏。

近日，有網民再度公開友姐嘅舊照，包括友姐孩童時期、少女時期、學生時期等不同階段嘅照片，而網民就大讚友姐「系天生麗質」、「大美女」等。